Höfundar

Ágúst Ingi Guðnason

Pistlahöfundur

Ágúst Ingi er 5. árs læknanemi í Háskóla Íslands og starfar á geðsviði Landspítalans. Hann er varaformaður Hugúnar geðfræðslufélags og fyrrverandi gjaldkeri sama félags. Einnig hefur hann setið sem varamaður í stúdentaráði og fulltrúi nemenda í kennslunefnd heilbrigðisvísindasviðs. Áhugamál Ágústs Inga eru læknisfræði, taugavísindi og sagnfræði. Skrif hans á Rómi munu snúast helst um heilbrigðismál og lífvísindi.

Albert Guðmundsson

Pistlahöfundur

Albert Guðmundsson er laganemi við Háskóla Íslands og fyrrverandi formaður Heimdallar, félags ungra sjálfstæðismanna í Reykjavík. Albert starfar sem flugfreyja hjá Icelandair og er 1. varaþingmaður Sjálfstæðisflokksins í Reykjavíkurkjördæmi norður. Hann hefur einnig setið í stjórn Vöku fls. og Stúdentaráði. Helstu áhugamál hans eru stjórnmál og lögfræði. Skrif hans í Rómi beinast einna helst að stjórnmálaumræðunni hér á landi og lagalegum álitaefnum.

Alexander Freyr Einarsson

Pistlahöfundur

Alexander Freyr er hagfræðingur frá Háskóla Íslands og starfar sem blaðamaður hjá Viðskiptablaðinu og Fótbolta.net. Hann ritstýrði Hjálmum, tímariti hagfræðinema árið 2015 og er áhugamaður um knattspyrnu, stjórnmál, hagfræði og gott rauðvín. Skrif Alexanders í Rómi beinast helst að hagfræðilegum málefnum.

Arnór Bragi Elvarsson

Stjórn & pistlahöfundur

Arnór Bragi Elvarsson er samgönguverkfræðingur sérhæfður í sjálfakandi bifreiðum, umferðarskipulagi og innviðastjórnun. Hann hefur verið virkur í ungliðastarfi SHÍ og Heimdalls auk þess að vera umhverfissinni.

Arnór hefur óþarflega mikinn áhuga á kaffigerð.

Ásgeir Friðrik Heimisson

Pistlahöfundur

Ásgeir Friðrik stundar meistaranám í hagfræði við University of Warwick í Bretlandi. Ásgeir Friðrik starfaði áður sem hagfræðingur hjá Hagfræðistofnun Háskóla Íslands og Samtökum atvinnulífsins, en hann útskrifaðist úr Háskóla Íslands vorið 2015 með BSc í hagfræði. Einnig sinnti hann stundakennslu í hagfræði við HR og HÍ þegar hann starfaði hjá Hagfræðistofnun HÍ. Þá var hann einnig ritstjóri Hjálma, tímarits hagfræðinema við HÍ. Skrif Ásgeirs Friðriks í Rómi beinast að hagfræðilegum málefnum.

Ásgrímur Hermannsson

Pistlahöfundur

Ásgrímur stundar nám í matreiðslu við Hótel og matvælaskólann og er stúdent úr Menntaskólanum við Sund. Þar var hann Ármaður (formaður) nemendafélagsins og sat í stjórn Sambands íslenskra framhaldsskólanema. Síðar sat hann í stjórn Vöku fls. Ásgrímur starfar nú sem matreiðslunemi á Sjávargrillinu. Skrif Ásgríms í Rómi beinast að málefnum líðandi stundar, velferðar- og heilbrigðismálum einna helst.

Bergþór Bergsson

Pistlahöfundur

Bergþór er laganemi við Kaupmannahafnarháskóla. Hann kemur frá Pétursey í Mýrdalshreppi og situr í stjórnskipunar- og eftirlitsnefnd Sjálfstæðisflokksins. Bergþór er áhugamaður um sögu, íslenskt samfélag í tímans rás, tísku, tónlist, kvikmyndir og matargerð. Skrif Bergþórs í Rómi beinast að stórum hluta að málefnum tengdum lögfræði og íslensku samfélagi, þá og nú.

Birkir Grétarsson

Pistlahöfundur

Birkir er Stjórnmálafræðinemi við Háskóla Íslands. Hann er aðkomumaður í Reykjavík af Suðurlandinu. Birkir hefur gaman af fólki, ferðalöngum og diplómasíu. Samneyti fólks, sátt og samlyndi eru Birki ofarlega í huga en skrif hans fyrir Róm munu að mestu snúast um samfélagslegar vangaveltur líðandi stundar.

Birta Austmann Bjarnadóttir

Pistlahöfundur

Birta er í meistaranámi í lögfræði við Háskóla Íslands og er útskrifuð með B.A. gráðu í stjórnmálafræði og lögfræði frá sama skóla. Birta starfar á viðskiptasviði Íbúðalánasjóðs samhliða námi, en hún hefur starfað hjá Íbúðalánasjóð síðastliðin ár. Hún hefur setið í stjórnum Vöku fls. og stjórn Politica, félags stjórnmálafræðinema auk nefndarsetu í ráðum Stúdentaráðs Háskóla Íslands. Skrif Birtu í Rómi beinast að málefnum líðandi stundar, lögfræðitengdum álitaefnum, innlendum stjórnmálum og alþjóðastjórnmálum.

Bjarni Halldór Janusson

Pistlahöfundur

Bjarni Halldór stundar nám við í stjórnmálafræði og heimspeki við Háskóla Íslands. Hann er áhugamaður um helstu samfélags- og menningamál manna. Skrif hans hverju sinni munu því beinast að málefnum félags- og hugvísinda. Þá verða málefni líðandi stundar og hugmyndafræðilegar vangaveltur fyrst og fremst til umfjöllunar. Hann hefur lengi látið sig félagsmál varða, en þar ber helst að nefna varaþingmennsku og setu í Stúdentaráði HÍ.

Björn Már Ólafsson

Ritstjórn

Björn Már starfar sem lögfræðingur eftir að hafa lokið meistaraprófi frá lagadeild Háskóla Íslands vorið 2016. Lokaritgerð hans var á sviði alþjóðlegs skattaréttar. Björn Már hefur áður starfað sem blaðamaður á Morgunblaðinu / mbl.is og sem framkvæmdastjóri Stúdentaráðs Háskóla Íslands. Meðal áhugamála hans eru úthaldsíþróttir og ítölsk knattspyrna. Í skrifum hans í Rómi eru helst tekin fyrir menntamál, stjórn- og samfélagsmál á Íslandi, norðurlöndunum og víðar ásamt lögfræðitengdum málefnum.

Daníel Freyr Hjartarson

Vefstjóri

Daníel Freyr stundar nám í stýri- og reglunartækni við tækniháskólann í Delft, Hollandi. Hann útskrifaðist frá Háskóla Íslands með B.Sc. gráðu í vélaverkfræði og tölvunarfræði. Samhliða námi tók Daníel þátt í að hanna og smíða rafknúinn kappakstursbíl með Team Spark. Daníel er áhugamaður um hjólreiðar, tölvur og tækni. Hann sér um öll tækni- og vefmál Róms.

Daníel Ingvarsson

Pistlahöfundur

Daníel er við nám í Háskólanum í Reykjavík þar sem hann lærir hugbúnaðarverkfæði. Þar stefnir hann á að klára BS á þessu ári og halda svo beint í meistaranám. Áhugamál Daníels eru ferðalög, tölvuleikir og allt sem við kemur tækni. Skrif Daníels á Rómi verða í léttari kantinum og munu einkennast af pælingum og kynningu á öðrum samfélögum.

Egill Þór Jónsson

Pistlahöfundur

Egill Þór er félagsfræðingur með BA frá Háskóla Íslands. Hann starfar sem teymisstjóri á búsetukjarna hjá velferðarsviði Reykjavíkurborgar. Egill er formaður Félags Sjálfstæðismanna í Fella- og Hólahverfi, var formaður Vöku fls. árin 2015-2016 og formaður Norms, félags félagsfræðinema við Háskóla Íslands. Egill hefur áhuga á íþróttum og hreyfingu, samskiptum, stjórnmálum og öðrum samfélagstengdum málum.

Elín Jónsdóttir

Pistlahöfundur

Elín Jónsdóttir er laganemi á 5. ári við Háskóla Íslands.

Elín Margrét Böðvarsdóttir

Pistlahöfundur

Elín Margrét er nemi í stjórnmálafræði við Háskóla Íslands og fréttamaður á Stöð 2. Hún starfaði áður sem blaðamaður á mbl.is og Morgunblaðinu og ritstýrði Stúdentablaðinu skólaárið 2016-2017. Hún er einn stofnenda og fyrrverandi varaformaður ungmennaráðs UN Women á Íslandi og hefur einnig tekið þátt í starfi Vöku fls. Skrif Elínar Margrétar í Rómi snúa meðal annars að stjórnmálum, alþjóðasamskiptum og jafnréttismálum.

Elís Orri Guðbjartsson

Pistlahöfundur

Elís Orri er meistaranemi í alþjóðastjórnmálum við London School of Economics (LSE). Hann tók virkan þátt í stúdentapólitíkinni í Háskóla Íslands og gegndi þar ýmsum trúnaðarstörfum, bæði f.h. Röskvu og Stúdentaráðs, ásamt því að sitja í stjórn ungliðahreyfingar stjórnmálaflokks. Hann er nautnaseggur af bestu gerð og nýtur sín best í góðra vina hópi, sérstaklega með rauðvínsglas í hönd. Skrif hans á Rómi eru um allt á milli himins og jarðar.

Elísabet Erlendsdóttir

Pistlahöfundur

Elísabet er með B.Sc. í rekstrarverkfræði frá Háskólann í Reykjavík, fædd og uppalin á Egilsstöðum. Hún starfar á sviði Viðskiptalausna hjá Advania. en hennar helstu áhugamál eru nýjungar í tækni- og nýsköpunargeiranum og jafnréttismál. Hún situr í stjórn Ungra athafnakvenna og gegndi embætti formanns Stúdentafélags Háskólans í Reykjavík skólaárið 2015-2016. Skrif hennar í Rómi snúa meðal annars að hagsmunabaráttu stúdenta og samfélagslegri ábyrgð fyrirtækja.

Elísabet Inga Sigurðardóttir

Stjórn & pistlahöfundur

Elísabet Inga er laganemi á þriðja ári við Háskóla Íslands. Samhliða náminu starfar hún sem fréttamaður. Á fyrstu árum laganámsins sat hún sem formaður Vöku fls. og var einnig varaformaður Heimdallar, félags ungra sjálfstæðismanna í Reykjavík. Skrif Elísabetar í Rómi snúa að málefnum líðandi stundar.

Erla María Tölgyes

Stjórn & ritstjórn

Erla María er afbrotafræðingur með meistaragráðu frá Griffith háskóla í Brisbane og BSc gráðu í sálfræði frá Háskólanum í Reykjavík. Hún starfar sem verkefnastjóri hjá Rannsóknum og greiningu við Háskólann í Reykjavík og stundar nám í opinberri stjórnsýslu við Háskóla Íslands samhliða vinnu. Helstu áhugamál Erlu Maríu eru jóga, vísindastörf og gott kaffi.

Erna Sigurðardóttir

Pistlahöfundur

Erna stundar meistaranám í lögfræði við Háskólann í Reykjavík. Um þessar mundir er hún fulltrúi nemenda í Gæðaráði íslenskra háskóla. Hún var hagsmunafulltrúi HR-inga, sat í stjórn Stúdentafélagsins jafnhliða námsráði HR. Hún gegndi embætti formanns Lögréttu, félags laganema, skólaárið 2015-2016 auk þess sem hún átti sæti í hagsmunaráði laganema frá 2013-2016. Skrif hennar í Rómi snúa meðal annars að menntamálum og þá sérstaklega hagsmuna- og gæðamálum, lögfræðilegum álitaefnum og málefnum líðandi stundar.

Esther Hallsdóttir

Pistlahöfundur

Esther er með B.A. gráðu í mannfræði frá Háskóla Íslands og starfar hjá UNICEF á Íslandi. Hún sat í stjórn Vöku fls. og Stúdentaráði ásamt því að gegna formennsku í fjármála- og atvinnulífsnefnd SHÍ. Skrif Estherar í Rómi snúa einna helst að mannréttindum, menningarheimum og málefnum líðandi stundar.

Friðrik Þór Gunnarsson

Pistlahöfundur

Friðrik Þór er hagfræðingur hjá Samtökum fyrirtækja í sjávarútvegi. Hann er víðförull og hefur búið bæði í Bandaríkjunum og London. Hann hefur tekið virkan þátt í starfi Vöku fls. og var formaður Heimdallar, félags ungra sjálfstæðismanna í Reykjavík frá 2017 til 2018. Skrif Friðriks í Rómi snúa að umræðunni sem slíkri og hagfræðitengdum málefnum.

Guðmundur Snæbjörnsson

Pistlahöfundur

Guðmundur er í meistaranámi í lögfræði við Háskóla Íslands. Hann er fyrrum hagsmuna- og lánasjóðsfulltrúi Stúdentaráðs. Skrif Guðmundar í Rómi snúa að málefnum líðandi stundar.

Guðný Halldórsdóttir

Pistlahöfundur

Guðný er nemi í hagfræði við Háskóla Íslands og hefur lögfræði sem aukagrein. Guðný starfar með námi í sumarbúðum fyrir fötluð börn og ungmenni í Reykjadal. Helstu áhugamál hennar eru bókmenntir, útivist og matargerð. Skrif hennar í Rómi snúa einna helst að málefnum fatlaðra, samfélagsmálum og stjórnmálum.

Gylfi Þór Sigurðsson

Pistlahöfundur

Gylfi Þór er hagfræðingur frá Háskóla Íslands. Hann er fyrrverandi framkvæmdastjóri Stúdentaráðs Háskóla Íslands en starfar núna hjá tryggingarfélagi. Áhugamál hans eru félagsstörf, ferðalög og líkamsrækt, en skrif hans í Rómi beinast helst að hagfræðilegum málefnum auk málefna líðandi stundar.

Håkon Broder Lund

Ljósmyndari

Håkon er nemi í jarðfræði við Háskóla Íslands. Hann situr í alþjóðanefnd Landssambands Íslenskra Stúdenta. Helstu áhugamál hans eru ljósmyndun, kvikmyndagerð, skíðaiðkun og klifur. Skrif Håkons í Rómi beinast einna helst að ævintýrum hans í íslenskri náttúru og ferðalögum sínum um landið. Hann er einnig ljósmyndari og listrænn stjórnandi Róms. Rómur mælir með Instagram síðu Håkons að neðan.

Hallveig Ólafsdóttir

Pistlahöfundur

Hallveig Ólafsdóttir er hagfræðingur og stafar hjá Samtökum fyrirtækja í sjávarútvegi. Samhliða námi starfaði hún sem vallarstarfsmaður á Laugardalsvelli og á greiningardeild Vinnumálastofnunar ásamt því að sitja í ritstjórn Studentablaðsins. Skrif Hallveigar beinast helst að málefnum tengdum sjávarútvegi og vinnumarkaði.

Hjalti Óskarsson

Pistlahöfundur

Hjalti er búsettur í Stokkhólmi og stundar meistaranám í hagfræði við Stokkhólmsháskóla. Áður útskrifaðist hann úr grunnnámi í hagfræði úr Háskóla Íslands og sat í ritstjórn Hjálma, tímarits hagfræðinema við HÍ. Helstu áhugamál hans eru hagfræði, stjórnmál, þungarokk, knattspyrna, vel bruggaður bjór og viskí. Skrif Hjalta í Rómi snúa að hagfræði og hvernig hún snertir málefni líðandi stundar.

Hólmfríður Rósa Halldórsdóttir

Pistlahöfundur

Hólmfríður Rósa er nemi í lífefnafræði á ónæmisfræðisviði Kaupmannahafnarháskóla og leggur stund á rannsóknir á ónæmismeðferðum við krabbameinum. Áður lauk hún prófi í lífefna- og sameindalíffræði við Háskóla Íslands. Hólmfríður Rósa hefur meðal annars starfað við umönnun á hjúkrunarheimili, prófbúðakennslu í HÍ og danskennslu við JSB. Skrif hennar í Rómi snúa að heilbrigðismálum og nýsköpun í vísindum.

Hrafn H. Dungal

Pistlahöfundur

Hrafn er meistaranemi við lagadeild Háskóla Íslands ásamt því að taka hluta náms síns úti í Króatíu. Samhliða því starfar hann við þinglýsingar og leyfatengd málefni hjá Sýslumannsembættinu á Höfuðborgarsvæðinu. Þá hefur hann, í gegnum menntaskóla- og háskólagöngu sína, verið virkur í ungliðapólitíkinni, utan skóla sem og innan. Meðal áhugamála Hrafns eru stjórnmál, gítarspil og bjór í góðum félagsskap. Skrif Hrafns munu taka mið af persónulegum áhuga hversu sinni, einna helst á sviði lögfræði, afþreyingar eða stjórnmála.

Inga María Hlíðar Thorsteinson

Ritstjórn

Inga María útskrifaðist úr hjúkrunarfræði við Háskóla Íslands vorið 2016 og fór beint í ljósmóðurfræði að því loknu. Hún situr í velferðarnefnd Sjálfstæðisflokksins. Inga María var varaformaður Stúdentaráðs HÍ og hagsmunafulltrúi félags hjúkrunarfræðinema við HÍ á námstíma sínum, auk þess sem hún gegndi formennsku Curators. Skrif Ingu Maríu í Rómi beinast að málefnum tengdum heilbrigðismálum og lýðheilsu almennt, auk hugleiðingum hennar um hitt og þetta.

Ísak Einar Rúnarsson

Ritstjórn

Ísak starfar sem sérfræðingur á hagfræðisviði Viðskiptaráðs Íslands. Hann hefur áður starfað fyrir Háskóla Íslands, var formaður Stúdentaráðs og blaðamaður á Morgunblaðinu og Viðskiptablaðinu. Skrif Ísaks í Rómi beinast helst að efnhagsmálum og stjórnmálum innanlands og á alþjóðavettvangi.

Janus Arn Guðmundsson

Pistlahöfundur

Janus Arn Guðmundsson er stjórnmálafræðingur og starfar við Háskóla Íslands við eflingu tengsla Háskólans við atvinnulífið, en hann hefur verið virkur frumkvöðull síðustu ár. Hann gegndi einnig embætti varaformanns Vöku fls. og situr nú í miðstjórn Sjálfstæðisflokksins. Janus sat einnig í jafnréttis- og mannréttindaráði Kópavogsbæjar. Skrif Janusar í Rómi beinast helst að málefnum líðandi stundar, einkum alþjóðastjórnmálum og mennta- og nýsköpunarmálum

Jóhann Óli Eiðsson

Pistlahöfundur

Jóhann Óli starfar sem blaðamaður á Fréttablaðinu samhliða laganámi og föðurhlutverki. Hann er annara núverandi framkvæmdastjóra Úlfljóts og gjaldkeri stjórnar ELSA Íslands. Áhugamál Jóla eru hvers kyns íþróttir, tónlist, kvikmyndir og bækur. Skrif hans á Rómi beinast að hverju því sem honum dettur í hug það skiptið.

Jón Birgir Eiríksson

Ritstjórn

Jón Birgir er laganemi við Háskóla Íslands og starfar sem blaðamaður á Morgunblaðinu. Hann hefur setið í stjórn Heimdallar, félags ungra sjálfstæðismanna í Reykjavík og gegndi áður formannsembætti Vöku fls. Jón Birgir er einnig píanóleikari hljómsveitarinnar Bandmanna. Skrif hans í Rómi snúa helst að um lögfræði, samfélagsumræðunni og stjórnmálum.

Jónína Sigurðardóttir

Pistlahöfundur

Jónína Sigurðardóttir er meistaranemi í uppeldis- og menntunarfræðum með áherslu á áhættuhegðun og forvarnir fyrir börn og ungmenni. Samhliða námi gegnir hún formennsku í Heimdalli, félags ungra sjálstæðismanna í Reykjavík. Hún hefur starfað með börnum í nokkur ár og vinnur nú í úrræði fyrir félagslega einangruð ungmenni. Jónína á 10 ára gamla dóttur og hefur mikla ástríðu fyrir velferð barna.

Jórunn Pála Jónasdóttir

Pistlahöfundur

Jórunn Pála er lögfræðingur og búsett í Reykjavík. Hún sat áður sem formaður LÍS, hagsmuna- og lánasjóðsfulltrúi Stúdentaráðs formaður Vöku fls., og gjaldkeri Framtíðarinnar í Menntaskólanum í Reykjavík. Hennar helstu áhugamál eru hjólreiðar, fjallgöngur og ferðalög. Skrif hennar í Rómi beinast einna helst að lögfræði og málefnum líðandi stundar.

Katrín Ósk Ásgeirsdóttir

Stjórn & pistlahöfundur

Katrín Ósk er laganemi við Háskóla Íslands og stúdent frá Flensborg. Þar var hún formaður nemendafélagsins. Keppandi, dómari og þjálfari í MORFÍs í allmörg ár en 2014 varð hún Ræðumaður Íslands. Ásamt laganámi starfar hún hjá Sjóvá á tjónasviði og einnig er hún varaþingmaður fyrir Sjálfstæðisflokkinn í SV-kjördæmi. Katrín Ósk hefur áhuga á ferðamannaiðnaðinum, útiveru og fjallgöngum, stjórnmálum og lagalegum álitaefnum.

Kolfinna Tómasdóttir

Pistlahöfundur

Kolfinna nemur lögfræði og Mið-Austurlandafræði við Háskóla Íslands ásamt því að sitja í stjórnum Ungra athafnakvenna og Uppreisnar, ungliðahreyfingar Viðreisnar. Samhliða náminu starfar hún hjá Fjárvakri en síðustu ár hefur hún gegnt embætti alþjóðaritara Orators, forseta Norræna alþjóðaritararáðsins, endurvakið Íslandsdeild ELSA og gegnt þar formannsembætti ásamt því að sitja í stjórn Ungmennaráðs UN Women á Íslandi.

Skrif Kolfinnu í Rómi snúa meðal annars að jafnréttismálum, alþjóðasamskiptum og álitaefnum í samfélagsumræðunni hverju sinni.

Kristinn Ingi Jónsson

Pistlahöfundur

Kristinn Ingi er laganemi við Háskóla Íslands og viðskiptablaðamaður á Fréttablaðinu. Skrif hans í Rómi beinast helst að stjórnmálum, viðskiptum, lögfræði og hagfræði.

Kristinn Svansson

Pistlahöfundur

Kristinn er laganemi við Háskóla Íslands og er stúdent úr Menntaskólanum við Sund. Hann starfar hjá Símanum í dag. Kristinn hefur mikinn áhuga á lögfræði, líkamsrækt, ferðalögum og góðum bjór. Skrif Kristins í Rómi beinast einna helst að lögfræði, sögu og málefnum líðandi stundar.

Kristófer Kristófersson

Pistlahöfundur

Kristófer Kristófersson er með mastersgráðu í viðskiptafræði frá Háskólanum í Reykjavík og starfar í dag hjá Marel. Skrif hans á Rómi eru háð persónulegum áhugasviðum hverju sinni, en faglegur áhugi hans beinist helst að markaðsmálum og fjármálamörkuðum.

Kristófer Már Maronsson

Pistlahöfundur

Kristófer Már er rekstrarstjóri aha.is og stundar samhliða því nám við Hagfræðideild Háskóla Íslands. Hann var formaður Stúdentaráðs Háskóla Íslands frá 2016-17 en var skólaárið 2015-16 framkvæmdastjóri Stúdentaráðs og formaður Ökonomiu, félags hagfræðinema við háskólann. Áður var hann markaðsstjóri nemendafélags Verzlunarskóla Íslands. Meðal áhugamála Kristófers Más eru knattspyrna, hagfræði og skák. Skrif hans í Rómi beinast einkum að hagfræði, fjármálum og hagsmunabaráttu ungs fólks.

Lilja Hrund Ava Lúðvíksdóttir

Pistlahöfundur

Lilja Hrund Ava er nemi á alþjóðabraut Verzlunarskóla Íslands og situr í stjórn NFVÍ sem ritstýra Verzlunarskólablaðsins. Hún er einnig formaður Ungmennaráðs Unicef á Íslandi og situr í stjórn Heimdalls. Skrif Lilju í Rómi beinast að málefnum flóttamanna, mannréttindum almennt og málefnum líðandi stundar.

Mikael Rafn Línberg Steingrímsson

Pistlahöfundur

Mikael Rafn er nemi í hagfræði við Háskóla Íslands og er stúdent úr Menntaskólanum við Sund. Hann er formaður Viljans, félags ungra sjálfstæðismanna í Mosfellsbæ og er varaformaður lýðræðis- og manréttindanefndar Mosfellsbæjar. Mikael hefur áhuga á bandarískum íþróttum og atferlishagfræði. Skrif Mikaels í Rómi beinast helst að hagfræðilegum málefnum.

Oddur Þórðarson

Stjórn & pistlahöfundur

Oddur er grunnnemi í Stjórnmálafræði við Háskóla Íslands. Hann hefur tekið virkan þátt í pólitísku og menningarlegu starfi undanfarin ár og setið í alls kyns stjórnum, nefndum og ráðum síðan á grunnskólaaldri. Oddur hefur mestan áhuga á dægurmenningu Íslendinga og popp-kúltúr.

Páll Óli Ólason

Pistlahöfundur

Páll Óli útskrifaðist úr læknisfræði við Háskóla Íslands sumarið 2017 og lauk kandídatsári í júní 2018. Hann stundar sérnám í bráðalækningum við Landspítala. Hann tók virkan þátt í starfi Vöku fls. í Háskóla Íslands og sat meðal annars sem formaður sviðsráðs heilbrigðisvísindasviðs í Stúdentaráði. Páll Óli sat í Útsvarsliði Árborgar frá árinu 2008-2012. Skrif hans í Rómi snúa helst að heilbrigðismálum og lýðheilsu.

Pétur Marteinn Urbancic Tómasson

Pistlahöfundur

Pétur Marteinn er laganemi við Háskóla Íslands og hefur starfað á Fasteignasölunni Borg og Lögmannsstofu Ingimars Ingimarssonar. Helstu áhugamál Péturs eru borðtennis og bókmenntir. Skrif hans í Rómi beinast einna helst að lögfræðilegum álitaefnum í samfélagsumræðunni og ljóðlist.

Ragnheiður Björk Halldórsdóttir

Pistlahöfundur

Ragnheiður Björk er meistaranemi í stjórnun ásamt iðnaðarverkfræði í Tækniháskólanum í Munchen og lauk BSc í iðnaðarverkfræði frá HÍ. Hún vinnur nú að meistaraverkefni sínu um lokun virðisaukakeðju vöruframleiðanda og hefur reynslu úr iðnaðnum eftir að hafa unnið hjá McKinsey, Daimler Mercedes Benz Cars og BMW í Þýskalandi. Áður stýrði hún Formula Student liði HÍ við hönnun og smíði rafknúins kappakstursbíls. Skrif hennar í Rómi beinast að femíniskum viðhorfum og áhrifum hnattvæðingar og gróðurhúsaáhrifa á alþjóðasamfélagið.

Ragnhildur Alda María Vilhjálmsdóttir

Pistlahöfundur

Alda María er MS nemi í Þjónustustjórnun og varaborgarfulltrúi Sjálfstæðisflokksins en hún er einnig með BS gráðu í sálfræði. Hennar helstu áhugamál eru heilbrigðismál, hagfræði, fólk, samfélagið í heild og eftirréttir. Skrif hennar í Rómi snúa einna helst að fólki, samskiptum, samfélaginu, tíðarandanum og markaðnum.

Rebekka Rún Jóhannesdóttir

Pistlahöfundur

Rebekka Rún er með BSc gráðu í rekstrarverkfræði frá Háskólanum í Reykjavík. Hún gegndi embætti formanns Stúdentafélags Háskólans í Reykjavík skólaárið 2016-2017 og var árið áður formaður nemendafélags tækni- og verkfræðinema í HR. Hún er stúdent úr Verzlunarskóla Íslands og starfar hjá Arion banka. Skrif Rebekku í Rómi beinast að málefnum líðandi stundar.

Ritstjórn

Ritstjórn

Ritstjórn Róms skipa Björn Már Ólafsson, Håkon Broder Lund, Inga María Hlíðar Thorsteinson, Ísak Einar Rúnarsson, Jón Birgir Eiríksson og Tryggvi Másson. Ritstjórnargreinar birtast í hverri viku að morgni sunnudags.

Sigríður María Egilsdóttir

Pistlahöfundur

Sigríður María stundar meistaranám í lögfræði við Háskólann í Reykjavík og er fyrsti varaþingmaður Viðreisnar í suðvesturkjördæmi. Meðfram náminu hefur hún starfað sem ræðuliðsþjálfari Verzlunarskólans og á lögmannsstofunni Morrison & Foerster LLP í New York. Helstu áhugamál Sigríðar eru lögfræði, stjórnmál og ræðumennska. Skrif Sigríðar í Rómi snúast að miklu leyti um menntamál, lögfræði og málefni líðandi stundar.

Sigurður Helgi Birgisson

Pistlahöfundur

Sigurður Helgi er meistaranemi í lögfræði við Háskóla Íslands og hefur gengt embætti formanns Landssambands ungmennafélaga, LUF, undanfarin ár. Þá er hann formaður stjórnar Félags sjálfstæðismanna í Nes- og Melahverfi. Sigurður sinnti áður starfi hagsmuna- og lánasjóðsfulltrúa Stúdentaráðs. Helstu áhugamál hans eru lögfræði, stjórnmál og íþróttir. Skrif hans í Rómi beinast helst að stjórnmálum og viðskiptum ásamt málefnum líðandi stundar.

Sigurður Tómasson

Pistlahöfundur

Sigurður stundar meistaranám í hagfræði við Kaupmannahafnarháskóla. Sigurður er með B.Sc. í hagfræði úr Háskóla Íslands og stúdentspróf úr Menntaskólanum í Reykjavík. Áður starfaði hann hjá Viðskiptaráði Íslands, viðskiptafréttadeild Morgunblaðsins og MP banka. Meðal áhugamála Sigurðar eru hagfræði, viðskipti, stjórnmál og íþróttir. Skrif hans í Rómi beinast einna helst að hagfræðilegum málefnum.

Sindri Freyr Guðjónsson

Pistlahöfundur

Sindri Freyr er viðskiptafræðingur útskrifaður frá Háskóla Íslands og starfar á auglýsingastofunni H:N ásamt því að reka ferðaskrifstofuna eTravel. Hann sat í stjórn Vöku fls. í tvö ár og gaf út sína fyrstu plötu árið 2016. Þá er hann fyrrverandi formaður nemendafélags Framhaldsskólans í Vestmannaeyjum og sat einnig áður í stjórn Eyverja, ungra sjálfstæðismanna í Vestmannaeyjum.

Snorri Sigurðsson

Pistlahöfundur

Snorri er laganemi við Háskóla Íslands og sat í stjórn Vöku fls. á fyrsta ári sínu þar. Hann situr einnig í Umhverfis- og samgöngunefnd Stúdentaráðs Háskóla Íslands auk þess að vera varamaður Vöku í Stúdentaráði. Meðal áhugamála Snorra eru hvers kyns boltaíþróttir, bókmenntir, tíska og góður matur. Skrif Snorra í Rómi snúa aðallega að lögfræði og öðru henni tengdu.

Stefán Pálsson

Ljósmyndari

Stefán er annar tveggja ljósmyndara Róms en hann starfar fyrir fjarskiptafyrirtækið Nova. Helstu áhugamál eru útivera, ljósmyndun, hjólreiðar, skíði, ferðalög og auðvitað farsímar. Þá hefur hann keppt fyrir Íslands hönd í fimleikum. Þar að auki er hann býsna víðförull en hann hefur komið til 36 landa. Stefán sem sannast sagna er býsna flinkur með linsuna hefur m.a. tekið myndir fyrir matreiðslubækur, Icelandair og Iceland Review.

Steinar Ingi Kolbeins

Pistlahöfundur

Steinar Ingi er nemi við stjórnmálafræðideild Háskóla Íslands.
Hann hefur á undanförnum árum gegnt ýmsum félagsstörfum samhliða námi. Hann var formaður nemendafélagsins í Menntaskólanum við Sund, sat í stjórn Heimdallar á árunum 2015-2018 og var í stjórn Vöku fls. árið 2017-2018. Almennar vangaveltur um hin ýmsu málefni samtímans eru meðal efnistaka Steinars í skrifum hans í Rómi.

Tryggvi Másson

Ritstjórn

Tryggvi er viðskiptafræðingur sem útskrifaðist frá Háskóla Íslands vorið 2016. Hann starfar sem sérfræðingur á Efnahagssviði Samtaka atvinnulífsins. Tryggvi var hagsmuna- og lánasjóðsfulltrúi Stúdentaráðs Háskóla Íslands skólaárið 2015-2016 ásamt því að sitja í ráðinu og hefur áður setið í stjórn Vöku fls. Aðaláhugamál Tryggva eru félagsstörf, hagsmunabarátta og stjórnmál. Skrif hans í Rómi eru að mestu leyti tengd menntamálum og viðskipta- og efnahagsmálum.

Vigdís Ingibjörg Pálsdóttir

Pistlahöfundur

Vinga er viðskiptafræðingur frá Háskóla Íslands/University of Wyoming með áherslu á markaðsfræði og alþjóðaviðskipti. Frá útskrift hefur hún starfað við markaðsmál, fyrst sem markaðsstjóri hjá Mountaineers of Iceland, þá sem markaðsstjóri Costco Wholesale á Íslandi og þar á eftir hjá OZ.
Í dag stundar hún MBA nám við IE University í Madrid ásamt því að starfrækja eigin ráðgjafastofu og veitingakeðju í Danmörku.

Þengill Björnsson

Pistlahöfundur

Þengill er nemi í tölvunar- og viðskiptafræði við Háskóla Íslands. Á menntaskólaárum sínum stundaði hann skiptinám í Rússlandi. Þengill er virkur í nýsköpunarsamfélaginu. Hann hefur einnig tekið virkan þátt í starfi Vöku fls. og situr nú í miðstjórn Sjálfstæðisflokksins.

Þórhallur Valur Benónýsson

Pistlahöfundur

Þórhallur Valur er laganemi við Háskóla Íslands. Hann lauk stúdentsprófi frá Verzlunarskólanum árið 2015. Þórhallur Valur hefur tekið virkan þátt í starfi ýmissa félaga t.d. Orator og NFVÍ auk þess að vera varaformaður Vöku fls. Þórhallur Valur er kominn vel á veg með að öðlast KSÍ A knattspyrnuþjálfunarréttindi. Helstu áhugamál Þórhallar Vals eru knattspyrna, tónlist og öll þau málefni líðandi stundar sem honum finnst sig varða. Skrif hans á Rómi munu snúast að hverju því sem honum finnst sig varða þá stundina.

Þorsteinn Friðrik Halldórsson

Pistlahöfundur

Þorsteinn Friðrik Halldórsson er hagfræðingur sem starfar sem blaðamaður. Hann hefur ritstýrt Hjálmum, tímariti hagfræðinema, setið í ritstjórn Stúdentablaðsins og situr nú í stjórn Heimdallar, félags ungra Sjálfstæðismanna í Reykjavík. Skrif Þorsteins í Rómi hafa oftar en ekki hagfræðilegan snertiflöt við stjórnmál.