lots of serious collectors wish to obtain replica watches deutschland rolex.

high quality patek philippe replique montre breitling mouvement suisse supplier.

reloj rolex imitacion reddit has accomplished the level of the masterpiece.

rolex copy watches for sale rolex even though the prices are higher however visitors nevertheless believe that good value.

Samfylking vinstri flokka?

eftir Ritstjórn

Hið pólitíska landslag hefur verið einkennilegt allt frá efnahagshruninu 2008. Undarleikinn náði líklega hámarki þegar „lýðræðishreyfing” Pírata tók á það ráð að hefja stjórnarmyndunarviðræður í aðdraganda komandi alþingiskosninga. Þetta tilkynntu umboðsmenn Pírata til stjórnarmyndunarviðræðna Smári McCarthy, Einar Brynjólfsson og leiðtogi flokksins, Birgittu Jónsdóttur á blaðamannafundi sunnudaginn 16. október síðastliðinn. Það gerðu þau með því að senda fjórum flokkum, stjórnarandstöðuflokkunum auk Viðreisnar, bréf um mögulegar stjórnarmyndunarumræður.

Óttarr vill kíkja í Píratapakkann

Blaðamannafundurinn var varla liðinn þegar Oddný Guðbjörg Harðardóttir, formaður Samfylkingarinnar, var búinn að taka upp tólið og hringja í Birgittu. Ekki er hægt að segja að þessi viðbrögð Oddnýjar hafi komið á óvart, enda er Samfylkingin, breiðfylkinging jafnaðarmanna, í andarslitrunum. Þar með spilaði Samfylkingin síðasta spili sínu í kosningabaráttunni og kom upp um örvæntingu sína.

Viðbrögð stjórnarandstöðuflokkanna voru misjöfn. Katrín Jakobsdóttir, formaður VG, sagðist standa við þá skoðun sína frá því í febrúar, að skynsamlegt væri að stofna til kosningabandalags. Útspilið væri í samræmi við þá hugmynd.

Óttarr Proppé, formaður Bjartrar framtíðar, gaf í upphafi ekki mikið fyrir hugmynd Pírata. ,,Mér finnst það dá­lítið langt gengið að mynda ríkisstjórn fyrir kosningar á meðan almenningur er ekki búinn og kjósa og veita stjórnmálaflokkum lýðræðislegt umboð. Mér finnst það dá­lítið langt gengið en sam­tal er alltaf gott,“ sagði hann í samtali við mbl.is. Svo virðist sem honum (eða samflokksfólki hans) hafi snúist hugur, og hyggst hann að mæta á sameiginlegan fund forystu flokkanna þessa helgi. Hvað það var sem sneri Óttarri í afstöðu sinni er ekki vitað.

Benedikt Jóhannesson, formaður Viðreisnar, var fljótur til og sagði að honum þætti eðlilegt að kjósendur fengju að segja sínar skoðanir á ómengaðri stefnu flokkanna áður en flokkarnir færu að gera málamiðlanir sín á milli. Ólíkt Óttarri þá stóð Benedikt á þessari skoðun sinni og sendi póst á Pírata þar sem hann afþakkaði þetta boð pent þar sem hann ítrekar mikilvægi þess að fá umboð fólksins fyrst.

Að búa í blokk

Útspil Pírata um síðustu helgi er merkilegt fyrir margar sakir. Myndun kosningabandalags hefur ekki tíðkast hér á landi og sérstaklega ekki með jafn opinskáum hætti og Píratar stefna að. Með þessu freista Píratar að bjóða kjósendum ákveðna afarkosti; Annars vegar að kjósa bandalag vinstriflokka (Pírata, Vinstri græn, Samfylkingu og Bjartrar framtíðar) eða núverandi stjórnarmeirihluta (Sjálfstæðisflokk og Framsóknarflokk).

Bent hefur verið á að slíkt fyrirkomulag tíðkist t.d. í nágrannalöndum okkar þar sem ríkisstjórnir ráðast út frá tveimur blokkum, hægri og vinstri. Þar eru jafnvel minnihlutastjórnir þar sem stærsti flokkurinn í ríkjandi blokk skipar ríkisstjórn með stuðning þeirra flokka sem búa í sömu blokk.

Nýjasta dæmi þess er frá nágrönnum okkar Dönum þar sem flokkur þáverandi forsætisráðherra Helle Thorning-Schmidt, Socialdemokraterne, vann stórsigur í þingkosningunum árið 2015, bætti við sig fjölda þingmanna. En í ljósi þess að vinstri blokkin náði ekki meirihluta þingmanna þá féll ríkisstjórnin. Í kjölfarið sagði Helle Thorning-Schmidt af sér sem formann flokksins og Venstre, þriðji stærsti flokkur þingsins, skipaði minnihlutastjórn á hægri vængnum.

Það er í raun sjálfsagt að blokkir sem þessar myndist öðru hvoru megin við miðju. Hvað varðar blokkarmyndun Pírata, væri það í anda gagnsæis og upplýsingarstefnu þess ágæta flokks, að kjósendur fengju að vita það strax, að ef Píratar kæmust til valda væri um hreinræktaða vinstri stjórn að ræða.

Samfylking vinstri flokka

Það helsta sem hægri vængur stjórnmálanna hefur geta gengið að vísu er sundrung vinstri vængsins. Einhverra hluta vegna virðist alltaf vera nægilegt framboð af stjórnmálaflokkum vinstra megin við miðju á meðan Sjálfstæðisflokkurinn hefur verið einn hægra meginn. Þar til núna á vormánuðum þegar Viðreisn var formlega stofnuð. En eftir því sem dregur nær kosningum því meira fer að svipa með Viðreisn og Bjartri framtíð. Þeir halda því báðir fram að vera frjálslyndir evrópusinnaðir flokkar sem setja almannahagsmuni framar sérhagsmunum.

Og til þess að færa sig enn nær miðjunni og jafnvel yfir hana leggur flokkurinn til stóraukin ríkisafskipti í launaeftirliti og niðurgreiðslu á flugfargjöldum til þeirra sem hafa lögheimili á landsbyggðinni. Viðreisn er þó ekki eini flokkurinn sem hefur gerst sekur um að reyna að auka fylgi sitt með því að höfða meira til vinstri. Sjálfstæðisflokkurinn hefur einnig gert það með því að segjast ætla að almenningsvæða bankanna, m.ö.o. gefa almenningi hlut í bönkunum í stað þess selja þá, að því ógleymdu að halda eftir eignarhluti ríkisins í einum banka.

Það er því greinilegt að stjórnmálin á Íslandi eru að taka skref til vinstri til þess að reyna að höfða betur til kjósenda. Þeir flokkar sem líta á sig sem miðju- og hægriflokka sjá því sóknarfæri í sundrung vinstri flokkanna og sækja frekar þangað í leit að fylgi.

Á sama tíma sjá Píratar greinilega tækifæri í því að reyna það sem Samfylkingunni mistókst, að útbúa breiðfylkinguni á vinstri vængnum, og sameina vinstri hlið stjórnmálanna í eitt skipti fyrir öll. Að þessi sinni yrði það í formi kosningabandalags eða blokkar í stað eins flokks. Það verður því áhugavert að sjá hvort að sagan endurtaki sig eða hvort að Íslendingar séu einfaldlega bara orðnir vinstri sinnaðari en áður var.

Ritstjórn

Ritstjórn

Ritstjórn Róms skipa Björn Már Ólafsson, Ísak Rúnarsson, Tryggvi Másson, Erla María Tölgyes, Jónína Sigurðardóttir og Oddur Þórðarson.